Inizio pagina - Home - Contattaci - Menu - Contenuto Pagina - Menu di Servizio

Associazione Pro Loco Faedis
 
contenuto pagina
Tu sês in: Pro Loco Faedis / Faedis / Il Comune di Faedis

IL COMUN DI FAEDIS

Il teritori dal Comun di Faedis si disvilupe aduès dai cuei orientâi dal Friûl e al è traviersât par dute la sô estension dal torent Grivò.

A nord si alce sù la Mont Joanaz che e domine dute la valade e e rapresente insiemit a lis malghis di Porçûs, lis frazions di Clap e di Cjaneule, lûcs de passade resistence partigjane e limit morfologjic di une tiere di confin. Une vore di frazions e borcs rurâi a son nassûts e disvilupâts su lis clevis di chestis monts. Tâi abitâts a son unîts tra di lôr cun stradis e trois.

Paesi e Dati Generali sul Comune di Faedis
Cartina del Comune di Faedis

 

DÂTS:

Superficie
: 46,61 Kmq.
(20% pianura, 35% collina, 45% montagna)

Abitants: 3023 (1508 M - 1515 F / 1277 fam.) dati febbraio 2007

Confin: a N con la Slovenia e con i comuni di Taipana e Pulfero, a E con il comune di Torreano, a S con il comune di Remanzacco, a O con il comune di Povoletto e a NO con il comune di Attimis

Turints: Grivò di Faedis (1), Grivò di Rascja (2), Malina (3)

altece sul nivel dal mâr - max: 1102 mt
altece sul nivel dal mâr - min : 117 mti

 
Faedis

 

 

FAEDIS
popolazion: 1578
altece sul nivel dal mâr: 170 mt

Faedis al è il cjâf lûc dal comun. Al è logât te viertidure de val dal Grivò, intun lûc cercenât di culinis e di vert.  Nomenât pe prime volte tal 1027; al è un paîs siôr di storie e al partignì ai Cucagne fintremai al XVIII secul. Faedis al è formât di diviers borcs, logâts di ca e di là dal torent Grivò, che slargjantsi a àn dât origjin al paîs.

Cliche culì par cjalâ la mape!
Cliche chi par cjalâ cemût rivâ a Faedis.

 
Campeglio

 

 

CJAMPEI
popolazion: 766
altece sul nivel dal mâr: 135 mt

Cjampei al è la frazion plui grande dal comun di Faedis. La localitât e je antighe, come che a stan a testemoneâ i rescj dal cjistiel di Sofumberc, permanence estive dai patriarcjis di Aquilee. Une vore sugjestîf al è il mosaic di Sant Michêl, presint te glesie parochiâl, che e fo tornade a fâ sù dopo dal sisme dal 1976, il paîs si slungje principalmentri dilunc de strade che e puarte a Cividât.

Cliche culì par cjalâ la mape!
Cliche chi par cjalâ cemût rivâ a Campeglio.

 
Raschiacco

 

RASCJA
popolazion: 197
altece sul nivel dal mâr: 179 mt

Rascjà al ven nomenât pe prime volte tal 1321, il paîs si è disvilupât intor de gleseute di San Martin che une vore di storics a atribuissin al 1200. Rascjà al è logât aduès des culinis in mieç a numerôs vignâi, li che si otegnin dai vins di cualitât une vore buine.

Cliche culì par cjalâ la mape!
Cliche chi par cjalâ cemût rivâ a Raschiacco.

 
Ronchis di Faedis

 

RONCJIS
popolazion: 163
altece sul nivel dal mâr: 129 mt

Il rûl di Roncjis te storie dal comun di Faedis al è une vore impuartant. Di fat dal XV secul, li sôs vilis, Freschi e Partistagno, a deventaran lis abitazions des dôs omonimis fameis de cjasade dai Cucagne. La frazion e je logade su la strade che e puarte a Udin e si disvilupe principalmentri intor de piçule Place.

Cliche culì par cjalâ la mape!
Cliche chi par cjalâ cemût rivâ a Ronchis.

 
Canal di Grivò

 

CJANÂL DI GRIVÒ
popolazion: 103
altece sul nivel dal mâr: 228 mt

Notiziis ciertis su la esistence dal Cjanâl di Grivò si àn dome in timp dal domini dai Cucagne, ma studiant la etimologjie de peraule, di clare origjin celtiche, si pues suponi che il paîs al vebi origjins plui antighis. Il Cjanâl di Grivò al nas su lis rivis dal torent omonim tal pont li che di plui si strenç la gole des monts.

Cliche culì par cjalâ la mape!
Cliche chi par cjalâ cemût rivâ a C. di Grivò.

 
Canebola

 

 

CJANEULE
popolazion: 115
altece sul nivel dal mâr: 669 mt

Cjaneule e à origjin probabilmentri tal periodi des emigrazions slavis (VI-IX secul), che a puartarin tâls popolazions a insedâsi su lis monts e su lis alturis des valadis dal Nadison e de Tor.  Tal 1930 e jere ancjemò cence stradis e a cause di chest e je restade un pôc isolade dal rest dal comun. In grazie de opare di ricostruzion dopo dal taramot, Cjaneule e je cumò un gaiôs paisut di montagne.

Cliche culì par cjalâ la mape!
Cliche chi par cjalâ cemût rivâ a Canebola.

 
Valle

 

 

VAL di Sofumberc
popolazion: 22
altece sul nivel dal mâr: 678 mt

Val, clamade ancje "Barcon dal Friûl", come ducj i paîs de zone e à origjins antighis. Dilunc dai secui passâts e partignì simpri al feut di Sofumberc di proprietât de Glesie di Aquilee. Il paîs si slargje ator de glesie di Sant Pieri fate sù tal XVIII secul. Val e je componude pe plui part di edificis rustics regolâts, doprâts come cjasis di vacance. (Par informazions su lis ativitâts a Val: www.prolocovalledisoffumbergo.it)

Cliche culì par cjalâ la mape!
Cliche chi par cjalâ cemût rivâ a Valle.

 
Stremiz

 

 

STREMIZ
popolazion: 32
altece sul nivel dal mâr: 315 mt

Stremiz al ven nomenât pe prime volte tal 1294. Il so teritori al è sometût a la jurisdizion dai Cucagne a partî dal XIII secul. Il paîs al è formât di pôcs edificis fats sù dilunc des stradis e ator de plaçute, li che si cjate une biele fontane dal XIX secul. Une volte a jerin presints cuatri mulins. In dì di vuê a ‘nt restin trê, dongje di doi mulins, dacîs des sorzints dal Grivò, al è un puint ad arc di piere di origjin romane.

Cliche culì par cjalâ la mape!
Cliche chi par cjalâ cemût rivâ a Stremiz.

 
Costapiana

 

 

CUESTEPLANE e GRADISCJUTE
popolazion: 17
altece sul nivel dal mâr: 389 mt

Cuesteplane e je un piçul borc che si cjate su la strade par Cjaneule. Al è un abitât antîc ancje se al è dificil stabilî cun precision lis sôs origjins. Pôc lontan si cjate il borc di Gradiscjute, a 364 metris sul nivel dal mâr, il so non al significhe "lûc fortificât" o "ruvinis di cjistiel". Al è probabil che al sei vignût sù su lis ruvinis di une antighe fuartece.

Cliche culì par cjalâ la mape!
Cliche chi par cjalâ cemût rivâ a Costapiana.

 
Colloredo di Soffumbergo

 

COLORÊT di Sofumberc
popolazion: 21
altece sul nivel dal mâr: 273 mt

Colorêt al ven nomenât pe prime volte tal 1501 come Vile Coloreti Soffumbergi. Il so non al derive dal latin e al significarès "boschete di noglârs". Colorêt come i paîs dongje, al pee la sô storie al cjistiel di Sofumberc. Vuê al è un piçul paîs cognossût soredut pe produzion dai vins.

Cliche culì par cjalâ la mape!
Cliche chi par cjalâ cemût rivâ a Collorêt.

 
Costalunga

 

 

CUESTELUNGJE
popolazion: 6
altece sul nivel dal mâr: 593 mt

Cuestelungje e fo citade pe prime volte tal 1353, ma si pense che lis sôs origjins a sedin plui antighis, parelis a chês di Cjaneule. In principi e fo suditade a la jurisdizion dai Cucagne, ma daspò e passà sot dai Sofumbercs. E je logade su la alture tra lis valadis dal Grivò, di Faedis e Rascjà. In chescj ultin agns il paîs al è stât ad implen restaurât, deventant un preseôs borc rurâl.

Cliche culì par cjalâ la mape!
Cliche chi par cjalâ cemût rivâ a Costalunga.

 
Pedrosa
PEDROSE
popolazion: 1
altece sul nivel dal mâr: 754 mt

Pedrose e ven nomenade pe prime volte intor a la metât dal XIV secul. Cheste frazion e ven unide a Cuestelungje in relazion a cualchi fat storic rivuardant la cjasade dai Cucagne.

Cliche culì par cjalâ la mape!
Cliche chi par cjalâ cemût rivâ a Pedrosa.

 
Clap

 

CLAP
popolazion: 2
altece sul nivel dal mâr: 684 mt

Clap, come Cjaneule, al à origjins probabilmentri in timp dal periodi des migrazions slavis. Il paîs al è aromai disabitât, ancje se un pocjis des sôs cjasis a son stadis restauradis dopo dal taramot dal ’76 e dopradis come abitazions estivis. Chest al è di fat un lûc ideâl par ricreâsi a contat cu la nature.

Cliche culì par cjalâ la mape!
Cliche chi par cjalâ cemût rivâ a Clap.