Inizio pagina - Home - Contattaci - Menu - Contenuto Pagina - Menu di Servizio

Associazione Pro Loco Faedis
 
contenuto pagina
Tu sês in: Pro Loco Faedis / Faedis

FAEDIS

Panoramica di Faedis dal Castello di Zucco

Faedis al è un paîs di 1.600 abitants, sù par jù, parmìs des Alps Juliis, logât te viertidure de valade dal torent Grivò, impuartant font di sostentament pal disvilup di chescj lûcs.

Faedis, da "fagetum" bosc di faiârs, al fâs la sô jentrade te storie pôc dopo dal an 1000, cuant che il patriarcje di Aquilee Popon al da il permès a Odorì di Auspergh, un nobil carinzian, di fâ sù un cjistiel.

La storie di chest paîs e je stade biel avuâl caraterizade de presince di cheste famee nobile che e cjapà il non di Cucagne, e di cheste a derivarin daspò i Zucco e i Freschi, la ereditât di chest passât a son vuê ponts di atrazion par chest teritori che in plui de nature, li che e je presinte, al pues vantâ i rescj di cjistiei, di palacinis e ancje di numerosis gleseutis votivis.

Une visite a Faedis e da la pussibilitât di jentrâ intun ambient che al ufrìs diviersis oportunitât di distrazions, da lis cjaminadis tra i trois dai boscs e des culinis, a la visite ai cjistiei e a lis gleseutis, in sumis intune zone, ancje se piçule, li che a son concentrâts numerôs lûcs di interès, che a spietin dome di jessi discuvierts.