Inizio pagina - Home - Contattaci - Menu - Contenuto Pagina - Menu di Servizio

Associazione Pro Loco Faedis
 
contenuto pagina
Tu sês in: Pro Loco Faedis / Manifestazions a Faedis / Fieste dal Vin e des Freulis

FIESTE DAL VIN E DES FREULIS

Festa del Vino e delle fragole anni 30

La fieste dal vin di Faedis e viôt la sô nassite tal 1935, mintri chê des freulis doi agns dopo. Fin di chê volte, almancul dai agns 20 dal 1900, a Faedis si usave fiestezâ la vendeme cu la Fieste de ue che si davuelzeve in Setembar.

Le prime locandine della Festa del Vino e delle FragoleLa Fieste dal Vin e chê des Freulis, par cualchi timp, a vignirin davueltis in moments diferents: chê dal vin in Avrîl, Mai; chê des freulis in Jugn. Po dopo, viodût che freulis e vin a formavin un just imbinament, si decidè di unî lis dôs manifestazions. Dal 1935 e fintremai in dì di vuê la Fieste dal Vin e des Freulis di Faedis e ven inmaneade ogni an, gjavât il periodi de vuere che par 4 agns nol è stât pussibil realizâle e intal an dal taramot.

Tal 2008 la Fieste dal vin e des Freulis e à fat 70 agns. Setante agns che a àn contribuît ad implen sei al disvilup de produzion dal vin, sei al miorament de imagjin dal paîs. L’impuartant travuart dal 70m  aniversari al è stât il principi de fase dal rilanç de manifestazion, che si cîr di rindile atuâl cence dismenteâ la tradizion.