TROIS E ITINERARIS PAR COGNOSSI IL COMUN DI FAEDIS
In cheste sezion o cjatarês cualchi propueste di trois e itineraris di podê seguî par scuvierzi e vivi miôr il teritori di Faedis (te foto il Plan des Farcadicis, sore Cjaneule). Dut câs si consee di comprâ une cjartine li che a son segnalâts in detai ducj i trois (sfuei nr. 26 – Prealps Juliis Vals de Tor – Cjase Editore Tabacco).
Lis cjaminadis che o proponìn a son par ducj, no son tant duris e a dan la pussibilitât di amirâ i biei paisaçs: dai ponts plui alts, tes zornadis claris, il panorame al rive fintremai al mâr.
Grazie ai fonts metûts a disposizion de Comunitât Europeane, seont l’obietîf 5B, il comun al à sistemât i trois de zone cun tabelis, puintuts, cjaminaments e vie indenant. In ognune des pagjinis o cjatarês la descrizion specifiche dai percors presentâts, che a van da lis bielis cjaminadis tra i boscs e i prâts dal comun, un zîr tra i lûcs plui sugjestîfs dal patrimoni artistic di Faedis.
Cualchi Percors te Nestris Montagnis
Cartine sentieri per camminate nel Comune di Faedis
