Inizio pagina - Home - Contattaci - Menu - Contenuto Pagina - Menu di Servizio

Associazione Pro Loco Faedis
 
contenuto pagina
Tu sês in: Pro Loco Faedis / Manifestazions a Faedis

MANIFESTAZIONS E INIZIATIVIS A FAEDIS

Elenco delle Manifestazioni ed iniziative a Faedis
 
Pignarul

PIGNARÛL
6 di Zenâr 2016 – Zone Polisportîf "Castellterçol"

Brusâ lis cjossis vieris, pal auspici di un gnûf an prosperôs, e je une tradizion che la Pro Loco di Faedis e à dât vivôr dopo agns di decjadence.

Al è de metât dai agns Otante che la Associazion di Faedis, cul jutori simpri gjenerôs dai alpins e dai siei colaboradôrs, ogni an e prepare il pignarûl. Al è un moment di agregazion pe comunitât, li che a vegnin fatis rivivi chês tradizions che di gjenerazions a partegnin a la int furlane.

Di cualchi an incà il Pignarûl al è stât spostât parmìs dal Centri Polisportîf Castellterçol, li che a lis sîs di sore sere, ogni an ai 6 di Zenâr, e ven dade la pussibilitât a la int di jentrâ e di svicinâsi ai barachins li che si podarà gustâ un bon brulè di bande dai Alpins, o pûr un te cjalt o ancje alc altri di meti sot dai dincj.

 
Anniversari Patrie dal Friul
ANNIVERSARI DE NASCITE DE "PATRIE DAL FRIÛL"
1 Avrîl dal 2016 - Sale Conseâr dal Comun di Faedis

Une serade e je stade dedicade al Friûl, a la sô storie, a la sô culture e ai siei personaçs inte zornade che si celebre l’aniversari de nassite de “Patrie dal Friûl”, vignude ai 3 di Avrîl dal 1077, cuant che l’imperadôr Indrì IV al conferì plens podês al Patriarcje Sigjeart su la Contee dal Friûl, fasint nassi di fat e in forme uficiâl la Patrie dal Friûl che e durà fintremai al 1420.

 
Alla Corte di REfosco di Faedis

A LA CORT DI REFOSC di FAEDIS
Ai 16 e ai 17 di Avrîl dal 2016 – Cantinis e Ristorants dal Comun di Faedis

Il Refosc di Faedis al è une des tantis primiziis enologjichis dal Friûl, une vît autoctone che, fintremai dai timps antîcs, e prodûs un vin gustôs pai palâts di chei che a àn il plasê di cerçâlu. In chest moment si cîr di valorizâ ad implen lis peculiaritâts enologjichis furlanis e la forme miôr par fâ gustâ il vin tai lûcs li che al ven produsût.

Cun chest fin la Pro Loco e la Associazion Volontarie tra i Viticultôrs dal Refosc di Faedis (cul sostegn de Provincie di Udin e dal Comun di Faedis), a inmanein cheste manifestazion, che us permetarà, visitant lis cantinis te fin di Setemane dai 16 e dai 17 di Avrîl, di cerçâ, in plui dal Refosc, la interie produzion dai vins dal lûc. Te zornade de manifestazion o sarês invidâts ancje “A la Taule di RE fosc di Faedis”, gustant o cenant tai diviers ristorants, agriturisims, tratoriis che a aderissin a la iniziative e o varês la pussibilitâts di cerçâ menù o pitancis, preparadis par fâ risaltâ ad implen l’imbinament cul nestri vin princip, anzit, cul nestri RE fosc di Faedis.

 

FIESTE DI FAEDIS
1-5 di Jugn dal 2016 tal centri di Faedis

Tradizionâl sagre di Faedis, rivade chest an a la 78me  edizion. Apontament principâl pe promozion e la cerce dai prodots enogastronomics dal teritori. Par fâ stâ contents i ospits in timp de manifestazion si esibiran i grups musicâi, a saran inmaneadis animazions pai fruts, pescje di beneficence, mostris e vie indenant.

Programma >>

 

 
Green Volley Faedis

GRENN VOLLEY FAEDIS
14-17 Lui dal 2016 Centri Polisportîf Castellterçol

Il GREEN VOLLEY si davuelç te zone li che al è il centri polisportîf Castellterçol a Faedis, e je une manifestazion sportive di gnove ideazion che e cjape dentri diviersis dissiplinis sportivis cu la presince salde di numerôs partecipants.

Nassût tal 1993, come torneu di volley, al à vût dilunc des edizions une vore di mudaments che lu àn puartât a slargjâsi simpri di plui sei tal numar dai partecipants sei in chel des dissiplinis sportivis praticadis. Il Green Volley al è inmaneât de A.S.D. OL3 di Faedis cu la colaborazion di tantis associazions comunâls e no dome.

Pa vê informazions si indrecisi al sît: www.greenvolley.com

 
San Lorenzo a Ronchis

FIESTE DI SANT LAURINÇ A RONCJIS
Ai 10 di Avost dal 2016 - Vile Partistagn

In occasione della notte di San Lorenzo, patrono di Ronchis di Faedis, presso la Villa Partistagno ivi collocata, l’Amministrazione Comunale Faedese in collaborazione con la Pro Loco organizza un spettacolo teatrale al termine del quale verrà offerto un calice dell’ottimo vino dei viticoltori faedesi e un bicchiere di "piarciolade" la classica specialità friulana alla quale era dedicata la vecchie sagra di Ronchis.

 
Festa del Vino di Faedis a Friuli Doc

FIESTE DAL VIN DI FAEDIS A "FRIULI DOC"
setembar , Place dal Dom - Udin

Dilunc dai cuatri dîs de manifestazion, in place dal Dom, il visitadôr al pues cjatâ un piçul cjanton di Faedis li che a saran i prodots enogastronomics tipics dal nestri comun.

 
Giro dei Presepi a Faedis

FIESTE DI NADÂL
10 Decembar

Te domenie che e precêt il Nadâl, l’Aministrazion Comunâl e inmanee un moment di fieste.