Inizio pagina - Home - Contattaci - Menu - Contenuto Pagina - Menu di Servizio

Associazione Pro Loco Faedis
 
contenuto pagina
Tu sês in: Pro Loco Faedis / Ce ufrissial il Teritori / Parc Archeologjic De Tiere Dai Cjistiei

PARC ARCHEOLOGJIC DE TIERE DAI CJISTIEI

Lis Aministrazions comunâls di Atimis, Faedis e Paulêt, za di cualchi an incà, a son daûr a lavorâ pe costruzion dal Parc Archeologjic de Tiere dai Cjistiei, cun iniziativis che a smirin a fâ tornâ a meti in vore lis struturis e di doprâ i Cjistiei, presints sul teritori, cul fin di dâ un gnûf vivôr a la culture, a la economie e soredut al turisim de zone.

Cartina Parco Archeologico dei CastelliIl Parc Archeologjic si individue in chê aree gjeografiche de pedemontane dal udinês che si cjate tra Cividât e Tarcint e che e comprent i comuns di Atimis, Faedis e Paulêt.

Al va dut câs precisât che il parc nol è caraterizât tes sôs componentis di continuitât teritoriâl dai comuns citâts, ma dal fat che in ognidun di chescj a esistin des areis precisis di alt valôr archeologjic, li che si cjatin lis fortificazions. Plui che “fisiche” la continuitât dal percors al è plui di nature “storiche”, un fîl ideâl che al unìs i cjistiei e che al corispuint al teme de Ete di Mieç.

Par chel che al rivuarde la localizazion, al va dite che gran part dai sîts fortificât dal teritori si incuintrin percorint la S.S. 356 e la S.S. 13 dilunc de linie Cividât - Tarcint - Glemone. I rilêfs culinârs a son vivarôs di vegjetazion, a son traviersâts di cors di aghe, e, a voltis, si presentin al stât di creps o cun cuarps edilizis intîrs e maestôs.

Tra chescj a ‘nt son te disponibilitât publiche des aministrazions promotoris: su chescj cjistiei al è stât ideât il vêr e propri fulcri dal Parc:

  • il prin, rivant di Cividât a Faedis, logât suntun promontori che al sta parsore dal cjâf lûc, al è il possent Cjistiel di Çuc dal XIII secul, cu la Domus e dongje la gleseute de Vergjine dal Rosari;
  • i sucessîfs, continuant viers dal Nord, in comun di Atimis, si cjatin a Borc Faris, il Cjistiel di Partistagn (XII-XIII secul) cul palatium, la Cjase Tor, la gleseute di Sant Svualt e, dopo pôcs chilometris te direzion che e puarte al cjâf lûc, i Cjistiei Superiôr (XII secul) e Inferiôr (XIII secul) di Atimis;
  • par ultin, ma di impuartance sientifiche, al è un percors vari sot dal aspiet paisagjistic, une vore gradevul, che al puarte viers sud a Paulêt, te frazion di Seorgnan, logât suntun cuel, il Cjistiel de Mote (VIII secul).

Il pont di fuarce di cheste struture integrade, in plui de sô origjinalitât, al è rapresentât dal disvilup dal turisim storic e archeologjic leât a la Ete di Mieç. Il Parc al è stât concepît prime di dut a traviers la realizazion di vêrs e propris centris culturâi.

A chescj al ven associât, par ogni sît, une schirie di servizis e di struments adatâts al funzionament de struture e al completament de ufierte. Lis funzions assegnadis a ogni sît, seont dai criteris prefissât, a comprendin diviersis destinazions di ûs.

Castello di PartistagnoTal complès cjistielan di Partistagn il progjet al comprent la realizazion dal Gnûf Museu Archeologjic de Ete di Mieç, un spazi pe enoteche par cerçâ lis produzions locâls di cualitât e une buteghe artesane (ceramiste); in plui e sarà valorizade e vierte al cult e a lis visitis la sflandorose gleseute di Sant Svualt cul preziôs cicli di afrescs dal XIII secul.
L’intervent si complete metint in vore i struments necessaris, cu la sigurece de aree archeologjiche, cul troi pedonâl e cul completament de strade di jentrade.


Castello di ZuccoTal complès cjistielan di Çuc e je previodude la realizazion dai servizis sientifics e des struturis istituzionâls dal Parc (laboratori di restaur dai reperts archeologjics, magazen dai reperts, biblioteche, fototeche, uficis), la creazion dal secont centri espositîf di valence ad implen inovative: il Museu Storic de Cjace, par intîr dedicât a la evoluzion de cjace e dal armament. L’intervent sui cuarps edilizis, si complete cun dôs buteghis artesanâls (oresin e mosaicist) e cu la creazion dal Ostel de Ete di Mieç. Ancje a Çuc si larà indenant, daspò di vê davuelzudis lis necessaris indagjins archeologjichis, cul meti in sigurece la aree interne des muris, cu la realizazion dai struments necessaris pe viabilitât dai veicui e dai pedons. Come a Partistagn, la gleseute, culì intitulade a la Vergjine dal Rosari, e sarà vierte pes visitis.


Castello MottaIl tierç centri espositîf al è chel dedicât a lis testemoneancis mobilis dal Cjistiel de Mote. Il percors espositîf al continue tes areis dai cjistiei di Atimis Superiôr, Inferiôr e de Mote. Culì i reperts a son lis olmis stessis dai cjistiei. L’intervent al previôt il restaur dai mûrs, la netisie des areis e i struments necessaris pai percors dal contest archeologjic.

VillaE tal ultin l'Infopoint ed Antiquarium.
La struture, gjavade fûr a Paulêt in Vile, e à il compit di fâ di pont di coordenament dal intîr sisteme integrât, di proviodi a racuei e di compagnâ il turist te visite al Parc, di indreçâ i passionâts e i studiôs viers dai centris espositîfs, ufrint informazions sui contignûts dai programs sientifics e didatics. Tal Infopoint si programe la promozion e a vegnin inmaneâts i monitoraments di tip logjistic e aministratîf su la ativitât dal Parc.