Inizio pagina - Home - Contattaci - Menu - Contenuto Pagina - Menu di Servizio

Associazione Pro Loco Faedis
 
contenuto pagina
Tu sês in: Pro Loco Faedis / Faedis e il suo Territorio

FAEDIS E IL SO TERITORI

Panoramica di Faedis dal Castello di Zucco

“Ai pîts des Prealps Juliis, intune valade produtive e paisagjistiche dal Friûl, cercenade di vert e di pâs, si cjate Faedis. Sul sfont prealpin, dôs curtis cjadenis di monts, sfodradis di cjastinârs, si largjin lant jù viers il plan, li che a lassin subit il puest a dôs alis di gaiosis culinis, che ondadis e mulisitis si poin oltri il paîs: a somein doibraçsche a ingrampin dute la valade”
Cussì al scriveve Don Piccini tal 1934 te jentrade dal libri su la storie de parochie. Di chê volte a vuê lis cjossis a son cambiadis ben pôc: il paisaç si è modernizât, a son plui cjasis, stradis, liniis eletrichis e vie indenant …, malis sensazions e l’atmosfere che si respirin a son restadis avuâls. (Te fotografie sore, Cjaneule e la val dal Grivò, li che al sbocje su la planure furlane si jeve Faedis).

Il comun di Faedis al ufrìs la pussibilitât di rilassâsi intun ambient dut dentri tal vert, lontan de tension che e je deventade la fedêl compagne de vite moderne. In plui al è di zontâ il grant patrimoni artistic, li che a spichin i cjistiei e lis numerosis gleseutis votivis che a caraterizin il paisaç, lis diviersis manifestazions organizadis soredut tai mês estîfs e, par ultin, pai amants une buine tace di vin bon che si pues cerçâ tes cantinis, tai locâi e tai bars dai paîs.

I itineraris che o podìn sugjerî a son pal plui des lungjis spassizadis a traviers dai boscs des culinis e des montagnis de zone, li che la durade e je di une desene di oris sù par jù. Ancje i amants des dôs ruedis a puedin cjatâ dai percors interessants a Faedis: o ricuardìn la rive par Cjaneule, o pûr pe val o Cuestelungje; stradis impegnativis, che a puedin jessi frontadis sei cu la biciclete di corse sei cu la mountain-bike. Doprant chest secont mieç si puedin sfrutâ dai percors plui adats, come cualchidun dai trois e stradis forestâls. Lis diviersis escursions a puedin jessi compagnadis di une fermade in cualchi cantine a bevi un bon tai di vin o in cualchi locâl, li che si pues cjatâ i savôrs de buine cusine furlane e no. Particolarmentri adat a chest al è l’itinerari tra lis bielecis artistichis dal comun, che al permet di doprâ l’automobil par scuasit dut il percors, scurtant i timps, dant cussì la pussibilitât di cualchi lungje fermade.