Inizio pagina - Home - Contattaci - Menu - Contenuto Pagina - Menu di Servizio

Associazione Pro Loco Faedis
 
contenuto pagina
Tu sês in: Pro Loco Faedis / Ce ufrissial il Teritori / Ville di Faedis

LIS VILIS DI FAEDIS

VILE FRESCHI IN ROCJIS

Villa FreschiLa costruzion di cumò si riferìs al periodi che al va dal XVII al XVIII secul, probabilmentri e fo fate sù tal lûc li che za e esisteve la cjase dai Siôrs Cucagne che, dal XIV secul, a cjaparin l’apelatîf di "Freschi", di Francesc di Cucagne, clamât "Fresco".

Cuant che tal 1400 i nobii di Faedis a bandonarin i cjistiei e si insediarin tes numerosis cjasis che a vevin a Faedis, Udin e Cividât, la vile di Roncjis e deventà la dimore fisse dai conts Freschi.

L’edifici al è formât di un cuarp dominicâl cun a flanc dôs alis plui bassis, di cualchi rustic e de gleseute di famee, dedicade a Sant Carli Boromeo, clamade di Sante Crôs. Si rive a la vile a traviers di un puartâl bugnât in piere e passant par un lunc viâl arborât. Sul daûr al è un parc cun dôs colomberis a forme di tor.

La struture principâl si disvilupe ator dal salon, li che si passe, e dacîs si cjatin des stanziis plui piçulis. La capele di Sante Crôs, formade di un unic spazi, e je dal stes periodi de vile.

VILE PARTISTAGN IN ROCJIS

Villa Partistagno in RonchisLa origjin dal edifici e je chê stesse de Vile Freschi. Il complès architetonic si compon de cjase dominicâl, fate sù su di une antighe cortine edilizie, un pôc a curve e di un piçul cuarp infûr che si unìs a la glesie di Sant Laurinç.

La vile e fo di proprietât dai nobii Partistagn. E passà ai Cucagne su decision dal Patriarcje di Aquilee a cause de estinzion de cjasade. L’edifici al è databil intor al XVI secul, la part plui antighe de vile e vignì regolade e slargjade tal XVIII secul.

Tal interni a son dôs stanziis imbilisiadis cui afrescs che a partegnin al prin Votcent e che a son atribuîts al pitôr Domenico Paghini.

VILE ACCORDINI IN CJAMPEI

Villa Accordini in CampeglioLa sô origjin e je tal periodi dal patriarcjât di Aquilee e dilunc di chest timp la zone e gjoldè une sô grandiositât e impuartance pe presince costante dal Patriarcje che al doprave il cjistiel di Sofumberc come residence estive.

Chest palaç, che al fo za Curie Patriarcjâl, al è impuartant pe articolazion dai cuarps e la misure architetoniche, dongje di chê de tradizion rurâl.

PALAÇ COMUNÂL, FAEDIS

Palazzo ComunaleLa uniche cjosse che e reste dal origjinâl edifici e je la struture che e à dai fuarts riferiments a lis classichis vilis venitis. Di fat si presum che e sedi stade tirade sù dai Siôr venits Candeo che si stabilirin a Faedis tal 1600, cuant che Vignesie e scomençà a vendi i terens comunâi par prudelâ lis numerosis vueris che e faseve.

Lis tantis ristruturazions e modifichis a àn dât al palaç un aspiet moderni che vuê e je la sede dal municipi, de pueste, de biblioteche e dal archivi comunâl.